നീ വരാന്‍ വൈകുമ്പോള്‍,
നിന്‍റെ മുഖം കാണാതാകുമ്പോള്‍,
നിന്‍റെ ശബ്ദം കേള്‍ക്കാതാകുമ്പോള്‍,
സമയ സൂചികള്‍ക്ക്‌
പെരുമ്പറയുടെ ഗാംഭീര്യം
ഹൃദയത്തുടിപ്പുകള്‍ക്ക്
ഉടുക്കുകൊട്ടിന്‍റെ ദൈന്യത....

എന്തേ നീ വരാന്‍ വൈകുന്നു..?
നഷ്ടങ്ങളുടെ ഹിമപര്‍വ്വത്തില്‍നിന്നും
എന്‍റെ സ്വപ്നങ്ങളുടെ പറുദീസയിലേക്ക്
നീയിറങ്ങിവരുന്നതും കാത്ത്
എന്‍റെ ദിനരാത്രങ്ങള്‍
കണ്ണീരുപോലും കട്ടപിടിച്ചിരിക്കുന്ന
ആ ഹിമപര്‍വ്വത്തില്‍ നിന്നും
ഒന്നിറങ്ങി വന്നൂടെ നിനക്ക്..?
ഈ തോളില്‍ ചാഞ്ഞ്
ഒന്ന് പൊട്ടിക്കരഞ്ഞൂടെ നിനക്ക്..
ഉള്ളില്‍ കരഞ്ഞ്, പുറമെ ചിരിച്ച്
ഒരു നീര്‍ക്കുമിളപോലെ
നിന്നെക്കാണുന്നത് എനിക്ക് സഹിക്കുന്നില്ല..

നീയെന്നെ കാണുന്നില്ലേ...?
യുഗങ്ങളായി ഞാന്‍ നിന്നെയും കാത്ത്
നിന്‍റെ ഓര്‍മ്മകളുമായി ഈ തീരത്ത്....